Home Blog

LAJMI I FUNDIT:  Quique Setien është trajneri i ri i Barcelonës!

Epoka e Ernesto Valverdes ka përfunduar.

Prej sot, ekipin e Barcelonës do ta udhëheq Quique Setien, ish trajneri i Las Palmas dhe Real Betis, njofton Klan Kosova.

Barcelona nuk ka shkarkuar trajner që nga viti 2003, kur kjo i kishte ndodhur holandezit Louis Van Gaal.


Eriksen afër kalimit në Inter

Mesfushori i Tottenham Hotspur, Christain Eriksen, është afër që të bashkohet me Interin.

Sipas The Times ai është pajtuar në parim me klubin italian, transmeton Klan Kosova.

Danezi është i vendosur që të nënshkruajë kontratë katërvjeçare në vlerë prej 100 mijë funtave në javë, duke u bërë kështu një prej futbollistëve më të paguar te Nerazzuri.

Spurs duan 20 milionë për Eriksen në janar, duke llogaritur që më mirë të fitojnë kaq prej tij tash, sesa ta humbin pa fituar një qindarkë prej tij në fund të sezonit kur do t’i skadojë kontrata.


A do jetë jetë Pimienta trajneri i ri i Barcelonës?

Lajmet për zëvendësimin e trajnerit të Barcelonës, Ernesto Valverde, janë shumëfishuar pas humbjes nga Atletico Madrid në gjysmëfinalen e Superkupës së Spanjës.

U përmenden shumë emra – Xavi (i cili e mohoi këtë mundësi), pastaj Mauricio Pochettino, si dhe disa të tjerë.

Mirëpo, sipas Radio Katalonisë, trajneri i ri do të jetë Garcia Pimienta, i cili aktualisht është trajner i Barcelona B, njofton Klan Kosova.

Pimienta do ta udhëheq ekipin e parë deri në fund të sezonit.

 


Nesër derbi shqiptar në Ligën Ballkanike

Të martën do të zhvillohet derbi shqiptar në Ligën Ballkanike ndërmjet Vllanizë së Shkodrës dhe Pejës.

Vllaznia ka një fitore dhe katër humbje deri më tani, kurse pejanët kanë tri fitore dhe tri humbje.

Verdhezinjtë kanë bërë disa përforcime për stinorin pranveror, ku transferimi më i madh pa dyshim mbetet Dardan Berisha, por edhe me disa lojtarë tjerë në mënyrë që të arrijnë synimet që kanë.

Në sfidën e parë ndërmjet këtyre dy skuadrave kishte triumfuar Peja në ‘Karagaçi’ me rezultat 78:67.

Ndeshja në Shkodër do të zhvillohet më 14 janar nga ora 18:00.


Amir Rrahmani javën tjetër nënshkruan me Napolin

Amir Rrahmani dhe Napoli do të nisin bashkëpunimin në qershor, edhe pse akordi dhe firma pritet të vijnë brenda kësaj jave, kur mbrojtësi i Kosovës do të kryejë vizitat mjekësore.

Sipas Gianluca di Marzios, ky kalim i Rrahmanit drejt napolitanëve do të kushtojë thuajse 14 milionë euro.

Më pas, huazimi te skuadra e Veronës deri në fund të sezonit, me kërkesë të trajnerit Juriq, i cili ishte ai që e donte me çdo kusht shqiptarin, pasi e kishte parë te Dinamo-ja e Zagrebit personalisht.

Rrahmani pritet të firmosë një kontratë për pesë vjetët në vazhdim me një pagë trefish më të lartë.

Qendërmbrojtësi, në takimin Verona-Genoa, edhe pse mori karton të verdhë pas 3 minutash, Rrahmani ishte i pakalueshëm, madje iu afrua edhe golit.

 


Milani bën transferin e radhës

Pas Zlatan Ibrahimovcit, Milani ka siguruar edhe një transferi tjetër.

Skuadra rosonere tashmë ka siguruar futbollistin danez, Simon Kjaer.

Mbrojtësi është prezantuar sot në fanellën e Milanit.

Ai ka kryer testet mjekësore te klubi i ri gjatë fundjavës.


Kartoni i kuq që ja siguroi Realit trofeun e Superkupës (VIDEO)

Një ndërhyrje e Federico Valverdes ndaj Alvaro Moratas, e shpëtoi Real Madridin nga pësimi i golit në minutat e vazhdimeve, në finalen e Supërkupës së Spanjës.

Ishte minuta e 114-të kur pas një iniciative të “mbretërve”, lojtarët e Atleticos u sulën drejt portës së Realit, duke bërë që sulmuesi i “El Colchoneros”, Morata të gjendet afër 16- metërshit të “Los Blancos”.

Në çastin kritik të zhvillimit të aksionit erdhi ndërhyrja me start nga prapa i 21 vjeçarit.

Më pas gjatë lojës së mbetur, të dy palët nuk arritën të shënonin duke vazhduar me penallti.

Më të saktë u tregua ekipi i menaxhuar nga francezi Zinedine Zidane, duke fituar me rezultat 4 me 1 me ekzekutimin e penalltive.

Ky trofe është i 11-ti në historinë e Real Madridit.


Femra që fitoi medaljen e parë olimpike për Iranin, paralajmëron largimin nga vendi

Femra e parë që ka fituar medalje olimpike për Iranin Kimia Alizadeh, ka paralajmëruar largimin nga vendi i saj i origjinës.

Ajo këtë e ka bërë të ditur nëpërmjet rrjetit social instagram.

“Më lejoni të filloj me një përshëndetje, një lamtumirë ose ngushëllime”.

“Unë jam një nga miliona gra të shtypura në Iran me të cilat kanë luajtur me vite”, filloi shkrimi i saj raporton CNN përcjellë Klan Kosova.

“Më dërgonin kudo që dëshironin. Unë vishja çfarëdo që ata thonin. Çdo fjali që më porositnin të them. Unë e përsërisja. Sa herë që e panë të arsyeshme, ata më shfrytëzuan”, shkruante ajo, duke shtuar se kreditë për suksesin e saj shkonin gjithmonë tek krerët e shtetit.

Arsyeja e largimit të “Tsunamit”, janë shtypja e njerëzve dhe korrupsioni i lartë nga regjimi në Iran.

Alizadeh arriti që për herë të parë të fitonte medaljen e bronztë në Lojërat Olimpike në “Rio 2016”.


Superkupa e Spanjës në duart e “mbretërve” (VIDEO)

Reali i Madridit është fituesi i Superkupës së Spanjës.

Mbretërit arritën të triumfojnë pas ekzekutimit të penalltive me rezultat 4 me 1, pasi pas 120 minutash lojë ndeshja u mbyll 0:0.

Carvajal, Ramos, Modric, dhe Rodrygo ishin më të saktë nga radhët e mbretëve.

Ndërkaq i vetmi që shënoi nga “El Colchoneros”, ishte Trippier.

“Mbretërit” e kanë filluar mbarë vitin 2020, pasi ky është trofeu i parë për ta sivjet.

Këtë trofe “Los Blancos” e fitojnë për të 11-tën herë.


FFK viziton ambasadën në Katar (VIDEO)

Por përpos ndeshjes në Katar ishte aktive edhe Federata e Futbollit të Kosovës.

Kryetari i kësaj të fundit Agim Ademi përpos me ambasadorin e Kosovës atje u takua edhe me homologun e tij nga Katari.

Kronikë nga gazetari Jon Ajeti.