Home Sport Goli i Armando Sadikut nuk i mjafton Malagës

Goli i Armando Sadikut nuk i mjafton Malagës

0
Goli i Armando Sadikut nuk i mjafton Malagës

Në prag të publikimit të listës së Kombëtares Shqiptare për ndeshjet eliminatore të Euro 2020-ës ndaj Turqisë dhe Moldavisë, Armando Sadiku vazhdon t’i çojë sinjale të qarta trajnerit Edi Reja, se e meriton të grumbullohet këtë herë.

Sulmuesi elbasanas i Kombëtares Shqiptare arriti të shënojë sërish në Secunda Division të Spanjës, teksa Malaga e tij “flirtoi” me fitoren në transfertën ndaj Zaragozas, por nuk shkoi më shumë se një barazim 2-2.

Armando Sadiku kaloi Malagën në avantazh që në minutën e tretë, pas një asisti të Casados, por vendasit barazuan në minutën e 42-të.

Malaga gjeti edhe njëherë avantazhin, me anë të Lomban në minutën e 89’, por vetëm një minutë më vonë Guti barazoi për vendasit, duke bërë që të dy skuadrat të kënaqen me nga një pikë.

Titullar në këtë takim për 90 minuta ishte edhe mesfushori i Kombëtares Shqiptare Keidi Bare, ndërsa Sadiku qëndroi në fushë deri në minutën e 78’.

Ndeshja e radhës e Malagës do të jetë të dielën në mbrëmje, ndërsa më pas dy futbollistët mund të udhëtojnë për t’u vënë në dispozicion të Rejas, pasi është thuajse e sigurt ftesa për ta.


Loading...