Home Blog Page 1799

PSG vazhdon presionin mbi Dortmund, ia synon yllin e skuadrës

Paris Saint Germain nuk e ka ndërmend të dorëzohet për yllin e Borussia Dortmund.

Kampionët në fuqi të Ligue 1 po e dëshirojnë me çdo kusht mesfushorin Julian Weigl, raporton “Sky Sport”, transmeton lajmi.net.

Me të kuptuar se Adrien Rabiot do të largohet nga skuadra, Tuchel ka mbetur me shumë pak zgjedhje për mesfushën.

Ai tashmë po e dëshiron një lojtar që ka tipare të ngjashme me lojtarin francez, dhe duket se atë e ka gjetur tek ish skuadra e tij.

Weigl nuk po gëzon minutat maksimale që nga ardhja e Axel Witsel në “Signal Iduna Park”. Belgu është bërë zgjedhja e parë e Lucien Favre duke e “dëmtuar” gjermanin Weigl.

Mbetet të shihet nëse parisienët do të arrijnë të mbyllin marrëveshje për lojtarin brenda këtij afati kalimtar. /Lajmi.net/


Barcelona po e transferon sulmuesin premtues nga Bundesliga

Skuadra e Barcelonës është aktivizuar për të transferuar një lojtar për fazën e sulmit.

Munir El Hadadi është lojtari i fundit që është larguar nga “Camp Nou” në drejtim të Sevillas, dhe largimi i tij lë hapësira në sulmin e Barcës.

Kështu, ata po e vëzhgojnë situatën e njërit nga sulmuesve më premtues në Bundesliga, Luka Jovic, raporton “Mundo Deportivo”, transmeton lajmi.net.

Sulmuesi serb ka shënuar 12 gola në 15 paraqitje me Eintracht Frankfurt në Bundesliga këtë sezon, duke tërhequr kështu vëmendjen e skuadrave të mëdha.

Barcelona ka bërë të ditur interesimin për të, mirëpo asnjë marrëveshje me lojtarin nuk do të arrihet para verës. /Lajmi.net/


Nasri para ndeshjes me ish skuadrën: Nuk kam asgjë veç dashuri për Arsenal

Samir Nasri do të kthehet të luaj kundër skuadrës së Arsenal, ku u bë i famshëm.

Ish reprezentuesi francez ka thënë se është i lumtur të luaj kundër tyre dhe ka bërë të ditur se ndjenë vetëm dashuri për ta.

“E kam shijuar (kohën tek Arsenal) sepse kisha një trajner që më besonte shumë. Ishte si baba i dytë” ka thënë Nasri para ndeshjes, transmeton lajmi.net.

“Kur shikoj, jam i lumtur për tri vitet e mia atje, por edhe i zhgënjyer sepse kishim shumë kualitet. Është turp që nuk fituam asnjë trofe të madh me skuadrën që kishim, por kam kujtime të mira” ka thënë tutje ai.

“Më herët kam thënë disa gjëra për Arsenal, pasi isha i dëshpëruar nga qasja e tifozëve, mirëpo mund të them se nuk kam asgjë përveç dashurisë për Arsenal” ka thënë ndër të tjerash Nasri.

West Ham dhe Arsenal do të përballen sot ( e shtunë) me fillim nga ora 13:30. /Lajmi.net/


Chelsea ka arritur marrëveshje me dy super mesfushorë  

Largimi i Cesc Fabregas nga “Stamford Bridge” ishte padyshim i dhimbshëm, mirëpo Chelsea duket se nuk kanë qëndruar duarkryq dhe veçse kanë gati dy zëvendësime për të.

Ata thuhet të kenë arritur marrëveshje me dy mesfushorë të kalibrit botëror gjatë këtij afati kalimtar.

Nico Barrella i Cagliarit dhe Leandro Paredes i Zenit janë lojtarët me të cilët Chelsea ka marrëveshje, sipas “Mirror”, transmeton lajmi.net.

Paredes pritet që të kalojë qysh në këtë afat në Londër, kurse Barrella me gjasë nuk do të largohet nga Serie A në mes të këtij sezoni.

Të dy mesfushorët shihen si zëvendësim për Cesc Fabregas, i cili dje ka zyrtarizuar kalimin e tij tek skuadra franceze, Monaco. /Lajmi.net/


Bielsa pranon se ka dërguar spijun në stërvitjen e Derby Countyt

Marcelo Bielsa ka pranuar përgjegjësinë e plotë për skandalin e spijunimit që e ka bërë ekipi i tij Leeds United, por nuk është shfaqur i penduar duke mbrojtur veprimet e tij.

Federata Angleze e Futbollit (FA) ka filluar hetimet për incidentin pasi Derby County para ndeshjes mes dy klubeve ka pohuar se një person i kapur si i dyshuar afër stërvitjes ka qenë i punësuar i Leedsit.

Policia konfirmoi se një person ishte gjetur dhe e mori në pyetje në vendin e ngjarjes, para se ta detyronte të largohej atë pa e arrestuar.

Mediat kanë raportuar personi ishte i përfshirë në spijunazhë dhe i dërguar nga Leedsi.

Bielsa ka konfirmuar këto akuza, duke zbuluar se ai personalisht e ka dërguar personin në fjalë pa e njoftuar klubin.

“Është e vërtetë se ka qenë dikush nga Leedsi Përgjegjësia është e imja”.

“Janë disa vendime që duhet t’i marrë, nuk ka lidhje nëse është ligjore ose jo. Për mua mjafton që Derby dhe Lampard janë ndjerë keq për këtë dhe se nuk ishte forma e duhur që ne të sillemi”.

“Kam biseduar me Lampardin dhe ai më tha se unë nuk respektova rregullat e ‘fair playt’. Unë kam pikëpamje të ndryshme për këtë”.

“Por, gjëja e rëndësishme është çka mendojnë Frank dhe Derby për këtë”.

“Unë jam personi i vetëm përgjegjës për këtë dhe nuk pyeta klubin që të bëj kështu. Pa tentuar të gjej arsyetime, kam bërë këto gjëra që prej kualifikimeve për Kupën e Botës me Argjentinën”.

“Kjo nuk është jo ligjore, ne kemi bërë këtë publikisht, tash po flasim në media. Për dikë mund të jetë gabim, por për mua jo”, deklaroi Bielsa.

Leedsi fitoi me rezultat 2-0 ndaj Derbyt në sfidën që u zhvillua të premtën. /Telegrafi/


Higuain prioritet për Chelsea, ja cila do të jetë zgjidhja

Chelsea duket se ka vetëm një prioritet deri më 31 janar, ditën kur do të mbyllet afati kalimtar dimëror.

“Blutë” e Londrës duan me çdo kusht transferimin e një sulmuesi, apo më specifikisht, transferimin e Gonzalo Higuain.

“The Sun” shkruan se londinezët duan që ta transferojnë argjentinasin në formë huazimi për gjashtë muaj, transmeton lajmi.net.

Chelsea dëshiron që t’i ngrit në nivel tjetër cilësitë e sulmit, pasi Alvaro Morata e Olivier Giroud nuk po gjejnë formën e tyre më të mirë.

Higuain momentalisht është i huazuar tek Milan. Kartonin e tij e mbanë Juventus. Dje është raportuar se të dy skuadrat kanë refuzuar ta huazojnë lojtarin tek Chelsea. /Lajmi.net/


Gattuso: Shpresoj që Higuain të qëndrojë

0

Trajneri i Milanit, Gennaro Gattuso, ka thënë që shpreson në qëndrimin e Gonzalo Higuainit sa më gjatë që është e mundur.

31-vjeçari është në Milna në formë të huazimit nga Juventusi me opsion blerje në fund të këtij stinori, mirëpo spekulimet ekzistojnë se ai mund të largohet nga Milani dhe të kalojë te Chelsea në këtë afat kalimtar, transmeton Gazeta Express.

“Higuain e ka treguar vetën mirë”, ka thënë Gattuso.

“Shpresoj që ai qëndron këtu sa më gjatë që është e mundur, nëse nuk ndodh kështu do të shohim. Nuk do të jetë problem për mua”.

Higuain ka shënuar gjashtë gola dhe nj asistim në 15 paraqitje në Serie A, dhe ka shënuar dy gola e ka bërë dy asistime në Europa League. /Gazeta Express/


Reali po e mendon shkëmbimin Isco – Dybala

0

 

Real Madridi është i hapur që ta lërë Iscon të shkojë në Juventus në mënyrë që ta marrin Paulo Dybalan në “Bernabeu”.

 

Mesfushori spanjoll nuk është aspak i lumtur në Real, pasi që nuk po arrin të luajë vazhdimisht nën urdhëratë e Santiago Solarit, transmeton Gazeta Express.

Shkëmbimi mes Iscos e Dybalas mund të ndodhë në këtë afat kalimtar.

Isco në këtë stinor ka shënuar 4 gola dhe ka bërë 1 asistim në 21 paraqitje, kurse Dybala ka shënuar  gola dhe ka 3 asistime në 22 paraqitje me “Zonjën e Vjetër”. /Gazeta Express/

 

  


Interi cakton kufirin e pagës së Icardit, të martën takimi me Wandan

Interi pritet që të takohet me Wanda Naran që të diskutojë për kontratën e re të Mauro Icardit dhe paga prej 7 milionë eurosh e ofruar ende është nën pritjeve të lojtarit.

Këtë javë gruaja e sulmuesit argjentinas që është njëkohësisht agjentja e tij, deklaroi se ekziston rrugë e gjatë deri te rinovimi te Interi.

Corriere dello Sport sugjeron se Nerazzurët po punojnë fuqishëm që të realizohet rinovimi.

Kërkesa ishte për një pagë prej 10 milionë eurosh në vit, por raportohet se oferta në tavolinë është 7 milionë euro në vit plus bonuset deri në qershor të vitit 2023.

Ekziston një klauzolë në kontratën e Icardit, por që është valide për klubet jashtë Italisë mes 1 dhe 15 korrikut.

Një takim mes Wandas dhe Interit pritet që të mbahet të martën.

Interi u tha se kishte kërkuar ndërrimin e agjentit nga lojtari, por këto spekulime i hodhi poshtë vet lojtari duke dalë në mbrojtje të gruas së tij. /Telegrafi/


Klitschko paralajmëron rikthimin në ring, Whyte thotë se do ta nokautonte pa problem

Klitschko paralajmëron rikthimin në ring, Whyte thotë se do ta nokautonte pa problem

Ditëve të fundit po qarkullojnë zëra se Wladimir Klitschko po planifikon të rikthehet në ring.

Është thënë se ish kampioni i Botës për peshat e rënda do të kthehet për një duel, që me gjasë do ta zhvillojë kundër Dillian Whyte.

Për këto fjalë, një reagim pati edhe nga boksieri britanik, i cili ka dhënë fjalë të mëdha para një dueli të mundshëm me Klitschkon.

I pyetur nëse është në dijeni për zërat që po qarkullojnë dhe se a do të ishte i gatshëm të luftonte me ukrainasin, Whyte ka thënë: “Po, do të luftoja me secilin dhe do të luftoj me Klitschkon. Do ta nokautoj atë nëse zbret në ring.”

“E di saktësisht se çfarë të bëj. Jam stërvitur krahas tij për vite të tëra dhe e di si është ai” ka thënë britaniku për “talkSPORT”, transmeton lajmi.net.

“Është luftëtar i madh. I tregoi ferrin Anthony Joshuas, por mendoj se tani është koha ime. Do ta nokautoj atë” ka thënë ndër të tjerash Whyte.

Dillian Whyte së fundmi ka triumfuar në duelin kundër Dereck Chisora, duel ky që ishte i dyti ndërmjet boksierëve.

Klitschko në anën tjetër nuk është parë në ring që nga ndeshja me Anthony Joshua, ku ishte nokautuar dy herë. /Lajmi.net/