Home Blog Page 3

Ponte Prizreni triumfon kundër Pejës

Ponte Prizreni ka shënuar fitore ndaj Pejës me rezultat 96:92 (20:23, 30:25, 20:19, 26:25) në kuadër të javës së 19-të të Superligës së Kosovës në basketboll.

Takimi në Prizren ka qenë shumë interesant, i barabartë dhe me shumë kthesa, derisa fituesi është vendosur vetëm në minutën e fundit të ndeshjes, transmeton Klan Kosova.

Dëshirën e madhe për të fituar të dy skuadrat e treguan nga fillimi i ndeshjes, derisa mysafirët e fituan çerekun e parë 20:23.

Ndeshja vazhdoi të ishte interesante, por në periudhën e dytë vendasit ishin më të mirë dhe e fituan 30:25, kurse skuadrat shkuan në pushim me rezultat 50:48.

Edhe në pjesën e dytë sfida ishte shumë e barabartë. Ponte e fitoi periodën e tretë ngushtë 20:19, ashtu si dhjetë minutat e fundit 26:25, për të shënuar fitore në fund me rezultat 96:92.

Te Ponte Prizreni u dalluan Urim Zenelaj me 25 pikë e 19 kërcime dhe Andre Wolford e Ty Nichols me nga 19 pikë, ndërsa te Peja u dallua dyshja Dardan Berisha me 35 pikë e 11 kërcime dhe Drilon Hajrizi me 24 pikë.

Ponte Prizreni tani ka 10 fitore dhe shtatë humbje, kurse Peja nëntë fitore dhe tetë humbje.

klankosova.tv


Kosova gati për Suedinë (VIDEO)

Përfaqësuesja e Kosovës në futboll e ka zhvilluar stërvitjen e fundit në Katar.

Të dielën “Dardanët” do ta zhvillojnë ndeshjen miqësore ndaj Suedisë nga ora 15:45, njofton Klan Kosova.

Kronikë nga Jon Ajeti 


Kosova mposhtet nga Rumania në hendboll

Përfaqësuesja e Kosovës në hendboll nuk ka arritur ta mposht Rumaninë në kuadër të kualifikimeve për Kampionat Botëror.

Pavarësisht përpjekjeve të mëdha, “Dardanët” u mposhtën me rezultat 21:32 nga skuadra kundërshtare, njofton Klan Kosova.

Kujtojmë se dje djelmoshat kosovarë arritën ta barazojnë rezultatin në minutat e fundit në ndeshjen me Italinë.

Klikoni në linkun e më poshtëm për t’u informuar më shumë rreth këtij takimi.

Hendboll, Italia – Kosova 26:26 (VIDEO)

klankosova.tv


Atdhe Nuhiu realizon gol kundër Leeds United (VIDEO)

Sulmuesi kosovar, Atdhe Nuhiu, ka vazhduar me formën e tij të mirë duke realizuar gol në ndeshjen Sheffield Wednsday- Leeds United.

Këtë gol futbollisti 30 vjeçar e shënoi në minutat shtesë të takimit, kështu duke ngritur epërsinë në 2:0 njofton Klan Kosova.

Ndërsa golin e parë e ka shënuar Jacob Murphy në minutën e 87-të.

klankosova.tv


Skitarja kosovare thyen këmbën gjatë përgatitjeve për Lojërat Olimpike

Fati nuk e ka përcjellë skitaren kosovare, Era Shala, në Lojërat Olimpike Dimërore për të Rinj “Lozana 2020”.

Përkundër vullnetit të madh dhe dëshirës për të garuar në një ngjarje të tillë, Shala me të ardhme të ndritur, sot theu këmbën gjatë përgatitjeve, një ditë para garës debutuese në sllallom të madh, transmeton Klan Kosova.

16-vjeçarja ishte duke u përgatitur në qendrën skitare “Les Diablerets” me trajnerët, Feim Kollçaku e Bujar Turjaka, kur theu këmbën.

Menjëherë, në ndihmë i dolën forcat emergjente të mjekësisë zvicerane, të cilat e bartën me helikopter nga qendra skitare në spitalin më të mirë të Lozanës, CHUV.

“KOK i uron operim të suksesshëm kampiones tonë dhe rikthim sa më të shpejtë në garat e ardhshme ndërkombëtare”.

klankosova.tv


Rrëzimi i avionit në Iran, tmerrohet lojtari i kombëtares Kosovare

 

Tensioni dhe frika, pas ngjarjeve të fundit në Iran, janë rritur shumë sidomos pas deklaratës së qeverisë iraniane në lidhje me avionin që u rrëzua këtë javë.

Presidenti Rhouani deklaroi se Irani e goditi me raketë avionin që u mori jetën 176 personave, duke e trajtuar këtë veprim si gabim njerëzor.

Por zhvillimet e fundit që kanë tronditur të gjithë botën kanë prekur dhe futbollistin e kombëtares kosovare, Zymer Bytyqi.

Mediat Norvegjeze shkruajnë se Bytyqi është tronditur nga rrëzimi i avionit në Iran.

Kombëtarja kosovare ka fluturuar për në Katar për të zhvilluar një ndeshje miqësore kundër Suedisë të dielën dhe avioni ka kaluar sipër territorit Iranian duke shtuar akoma më shumë tensionin tek lojtarët.

“Lojtarët e ligës elite, në kampin stërvitës në vendin fqinj të Iranit, U tmerrova kur pashë se çfarë ndodhi”, – shkruajnë mediat norvegjeze.

/Ora News.tv/

 


Ibrahimovic shënon golin e parë pas rikthimit te Milani (VIDEO)

Zlatan Ibrahimovic ka gjetur golin e parë me fanellën e Milanit, pas rikthimit në San Siro.

Ylli suedez befasoi të gjithë duke vendosur të rikthehet në Milani në moshën 38-vjeçare.

Megjithatë, Ibrahimovic ka shtrirë ndikimin e tij menjëherë duke gjetur shpejt edhe golin e parë.

Pas disa minutave të luajtura në ndeshjen me Sampdorian, suedezi startoi sot (e shtunë) ndaj Cagliarit duke tundur edhe rrjetën.

Sulmuesi shtatlartë ka shënuar një gol me klas me të majtën, duke quar epërsinë 0-2 në minutën e 64-të të ndeshjes. /Telegrafi


Ashley Young do vetëm Interin, refuzon rinovimin me United

Ashley Young refuzon rinovimin me “Djajtë e Kuq” dhe mbrojtësi i United kërkon të transferohet në Milano, te klubi i Interit. “Zikaltërit” kanë probleme me krahët në fazën mbrojtëse, sidomos në anën e majtë dhe trajneri Antonio Conte po përpiqet në maksimum për të përforcuar skuadrën.

Për hir të së vërtetës 34-vjeçari anglez i ka dhënë fjalën trajnerit puljez për të kaluar në radhët e Interit, por drejtuesit e Manchester United kanë reaguar pa humbur kohë, duke u munduar për ta shtyrë akoma edhe për pak qëndrimin e ish-lojtarit të përfaqësueses së “tre luanëve” në ishull. Pra gjërat për kapitenin e United komplikohen ndjeshëm, pas propozimit të beftë të marrë nga drejtuesit për të rinovuar kontratën aktuale edhe me një tjetër vit.

Për momentin Ashley Young, që luan pak a shumë njësoj në të dy krahët e mbrojtjes, ka thënë jo, pasi duket i bindur për projektin “zikaltër”.

34-vjeçari nga Stevenage luan në radhët e United që nga viti 2011, madje Young u morr fillimisht nga Alex Ferguson nga Aston Villa si lojtar krahu, sidoqoftë vetë futbollisti dëshiron Interin, që i ka ofruar menjëherë një kontratë deri në mesin e vitit 2021. Ashley Young-ut i përfundon kontrata aktuale me United pikërisht në qershorin e këtij sezoni, megjithatë Antonio Conte i ka ofruar garanci për një aktivizim shumë më të shpeshtë në formacion si titullar, për më tepër në një repart ku trajneri puljez ka në dispozicion vetëm Biraghi-n. Dimarco do të largohet, ndërsa Asamoah që është kthyer në stërvitje prej dy ditësh nuk i ofron garancinë e duhur, në aspektin fizik trajnerit Conte, prandaj dhe u bë e mundur marrëveshja paraprake, me disponueshmërinë maksimale nga vetë lojtari. Problemi qëndron në faktin që shefit të klubit të Manchester United Ed Woodward befas i ka shkrepur në mendje për të ndalur gjithcka.

Ole Gunnar Solskjaer ka larguar shumë futbollistë nga United, gjithsesi është fakt që me trajnerin norvegjez në timon “djajtë e kuq” po grisin cdo rekord negativ të tre dekadave të fundit, për më tepër trajneri nordik i dha duart drejt Interit pikërisht dy lojtarëve si Romelu Lukaku dhe Alexis Sanchez, megjithëse ky i fundit gjendet te “zikaltërit” në formë huazimi. Është e qartë pavarësisht shiritit të kapitenit që Ashley Young nuk hyn aspak në planet e Solskjaer-it, madje numri 18 në këto dy muajt e fundit është aktivizuar vetëm dy herë si titullar në Premier League, megjithatë në mënyrë të kuptueshme administratori i klubit Ed Woodward kërkon të shtyjë gjithcka pavarësisht refuzimit të prerë të vetë futbollistit për të qëndruar edhe pas muajit qershor, kur në fakt edhe i përfundon kontrata me klubin aktual.

Ashley Young është një emër i sugjeruar nga vetë Antonio Conte, madje trajneri i Interit e pati kërkuar këtë lojtar edhe gjatë kohës që drejtonte klubin e Chelsea-t, sidoqoftë në rast bllokimi të marrëveshjes së arritur është e kuptueshme që 50-vjecari nga Lecce të zhvendosë vëmendjen në drejtime të tjera. Conte ka për zemër edhe lojtarë të tillë si Marcos Alonso dhe Emerson Palmieri, pra pikërisht dyshen ku u mbështet vazhdimisht, gjatë aventurës së tij në ishull. Bëhet fjalë për dy operacione që ndryshojnë vërtet shumë nga rasti i futbollistit të United Ashley Young. Si Alonso ashtu edhe Emerson janë më të rinj në moshë dhe nuk janë në përfundim të kontratës, për më tepër për këta dy lojtarë “blutë” kanë pritshmëri të larta, deri në vlera që i kalojnë 30 milionë eurot për secilin, madje drejtuesve të ekipit londinez as që iu ka shkuar fare në mendje një transferim në formë huazimi, me të drejtë blerjeje, për këto dy futbollistë. Deri në fund të muajit janar ka ende kohë, megjithatë Conte nuk ka ndër mend për të pritur aq gjatë, kështuqë shumë do të varet nga vetë presidenti Roman Abramovich, e nëse bosi i “bluve” ndez “dritën jeshile” atëherë me shumë gjasa brenda fillimit të javës së ardhshme trajneri puljez do të ketë në dispozicion pikërisht njërin nga lojtarët që ka stërvitur te ekipi londinez./Top Channel


Roma dhe Milani fillojnë bisedimet për shkëmbimin e lojtarëve

Drejtuesit e dy skuadrave të mëdha italiane, Romës dhe Milanit kanë filluar bisedimet për një shkëmbim të bujshëm.

Fjala është për dy sulmuesit anësorë, Cengiz Underin e Romës dhe spanjollin Suso të Milani.

Under nuk ka arritur të shkëlqejë nën urdhrat e trajnerit Paulo Fonseca te Roma dhe ka kërkuar largimin.

Tottenham Hotspur dhe Everton gjithashtu interesohen për transferimin e anësorit turk.

Ndërkohë te Milani sulmuesi anësor Suso nuk ka shkëlqyer këtë edicion si të mëparshmit.

Kjo ka bërë që krerët e dy klubeve të mendojnë shkëmbimin kokë më kokë të lojtarëve, që Under të kaloj te Milani dhe Suso te Roma.

Mediat italiane kanë raportuar se ky shkëmbim i lojtarëve mes dy klubeve është shumë afër dhe zyrtarizimi mund të bëhet në fillim të javës së ardhshme./telegrafi.com


OM konfirmohet skuadra anti-PSG, e nis vitin me fitore

Marseille është në superformë. Java e 20-të e Ligue 1 e para për fazën e dytë të kampionatit nisi me suksesin 0-1 të OM ndaj Rennes me skuadrën e Andre Villas Boas që e nisi vitin 2020 me një fitore të rëndësishme në kampionat. Vendosi gjithçka goli i Kevin Strootman në minutën e 84-të, ndërkohë që për Marseille kjo ishte fitorja e 9-të në 10 ndeshjet e fundit në të cilat OM nuk njeh humbje në Ligue 1. Me këtë sukses Marseille u ngjit në kuotën e 41 pikëve, 4 më pak se PSG por parizienët kanë dy ndeshje më shumë për të luajtur dhe janë ata skuadra për t’u mposhtur në këtë sezon./supersport.al